3abra2of Beysha5bat

أخبرته بائعة الجرائد يوما أنه شخص لا يربطه بالعالم سوى ورقة شجر،
كان يومها يحدثه التفاح الأصفر عن ماهية الكون و أسراره فى جلسة تحتوى على قدر كبير من الذكريات المحمصة.

جسد مرتفع الحرارة...متعرق الى حد ما و شعر منكوش مع شنب منبت و حبوب حمراء على وجهه.
يكره صورته فى المرآه.

ظل التفاح يحدثه عن أسرار الكون كثيرا حتى فشل تماما أن يتخيله بعقله العليل.
و فى يوم صيفى حار، اكتشف أن سر الكون الأعظم موجود فى ضحكة فتاة أصيلة تحدث الناس عن البيت، و البطيخ و الورد الأبيض.

يكفى العالم مرحها ليكون مكانا أهل للخلق جميعا....
حدث التفاح عنها و أخبره عن سحرها البادى لكل من يسير بامره.

صار للتفاح رغبة أقل فى الحديث و اكثر فى الاستماع الى حواديت صاحبة أسرار الكون، ذات القلب الملىء بالأشجار الظليلة و عبير الياسمين.

و صارت الجلسات أطول و بحضور عدد أكبر من مملكة الفواكة و النمل و القناديل البحرية.
كانت حواديتها تتناقل عبر الأجيال...فيرويها الآباء للأبناء و الأجداد للأحفاد.

و فى يوم مزهر قالت له أنثى الفراولة أن فتاة الكون شجرة يخرج منها الخير على شكل أوراق شجر خضراء.
حينها تذكر قول بائعة الجرائد أنه لابد أن يجد ورقة الشجر الخاصة به.
حينها أدرك أنه لابد أن يجد ورقة الشجر الضائعة التى أبعدته عن قلب تلك الجميلة...

فى يدها اليمنى أبقاها.

لم يذكر الله الحب أو الحرية فى القرآن

أعرف أن موت أبويا و أمى سيسبب لى آلاما قاسية.

 أنا لا أريد شيئا الآن أكثر من ألا أعيش معهم. لم يعد فى استطاعتى أن أحبهم.

عزيزة بنت السلطان تحب موسى الغلبان و هو لا يستطيع أن يحبها لأنه ليس حرا.

حب ايه ده اللى من غير أى حرية.

Love , fear and freedom. I never had any of them.

أنا بجد مش فاهم ازاى قابيل قتل هابيل عشان حرمة...و هو اصلا مين قالهم يتجوزوا و هما ست بنى آدمين على الأرض، يا عم ما تقضوها و خلاص..

يعنى بجد مش فاهم هو كان هناك رجلين على الأرض و حرمتين...كل واحد متجوز واحدة و واحد حب بتاعة التانى فقتله.

أنا عبرؤف مش عبد حاجة و بأحاول مش أخاف من حاجة، بأتعلم الطيران و ركوب السناجب. ماعنديش أى أحلام و لا عايز أعمل أى حاجة. بأحاول أعمل كل الحاجات الغلط قبل ما أموت. مش عايز أى شكل لحياتى و لا يهمنى أى حاجة هتحصل و لا لأ. بأحب كل حاجة من أول البليلة لحد التانجو.

بأكره كل الناس اللى بيحبونى و اللى لأ...بأكذب كذب خبيث، دايما تحسينى مثال للصراحة و الوضوح لكنى ببساطة بأمارس نوع أقذر من الكذب.

أنا ما أعرفش ليه كده، بس انا حاسس انى ممكن أغير كل ده و أبقى انسان مثالى مجتهد يصلى الصلوات الخمس و يصوم الشهر عشان بس أحس انى أستحقك. مستعد مثلا أبطل سهر عشان أصحيكى الصبح.

الطيران و ركوب السناجب و المشى على السحاب و الرقص على النار و النوم على البحر و الموسيقى و حتى الجنس و الأكل و الشرب و التبرز و لعب الكورة و التمثيل و الكتابة و الحشيش و الخمرة و التلوين و النحت و البسبوسة بالقشطة و تيمون و بومبا و حتى حتى فيروز تفاح مع فيروز كراوية فى ليلة على شاطىء البحر الميت مش أحلى من انى أبقى معاكى.

مللت المقارنات..يتخطى الأمر حدود الحب و العشق و الهيام، ويتخطى الخوف من خسارتك و يتخطى حتى الاحتياج اليكى. فأنا لا أفقد أجنحة حريتى من اجل اسوار حب، بل أقدم لكى نفسى خالصة لأكون.

لكى و منك كل الحرية...اليكى يأتى كل طالبيها. نيل أزرق منك الى العالم يغذيه و يعلمه ، يخسر من أجله عبرؤف كل شىء متزهدا مترفعا عن دنيا اله نسى أن يخلق الحب و الحرية.  

لو يمكن للبحر أن يعيش دون شمس تدفئه من المغيب للشروق..

كان نفسى أصحى النهاردة متأخر على قد ما أقدر....
كنت عايز أصحى و انتى بتركبى الأتوبيس.

صحيت الساعة اتنين...
مش قادر أفكر فى حاجة غير انك هتيجى النهاردة.

شربت قهوة و شاى و هأسهر لأى وقت.
هأكلمك كل شوية عشان أعرف الباص ابن الجزمة ده هيمشى امتى بقى.

انتى هتيجى كمان بتاع 5 أو 6 ساعات...
أنا مش قادر أستنى...
و مافيش حاجة هتواسينى غير انى أقعد أكتب عنك لحد ما تيجى.

ذات عيون حالمة لا يمكن تحديد وجهتها...
بأبقى مستغربها قوى أصلا...عينيها هى الحاجة الوحيدة فيها اللى بتضحك بصعوبة.
يعنى ممكن تلاقيها كلها بتضحك و يفضل فى عينيها السرحان العجيب ده.

ذات قلب يؤمن بكل شىء الا بنفسه،
قلب لا يليق به الا برج عاجى أو متحف باريسى الطراز.
و لكنك دائما ما تجد هذا القلب بوسط الناس يعلمهم الرسم و الشعر، و يحكى لهم عن الحق وعن قساوته.

لم أراها الا جميلة...
حين تبتسم..فتعلو ضحكتها و تهزها الضحكة..و تمسك فى ذراعى من فرط الضحك،
فتطلق دعابة لا أسمعها و لكنى أجد نفسى سعيدا لدرجة الضحك من ضحكها،
نضحك حتى البكاء...

أنا من القليلين الذين رأوا بكاؤها المقدس،
فى الأمر نوع من السحر...فهى تبدو جميلة حين تبكى،
جميلة لدرجة أنه لا يمكنك أن تتوقف عن مشاهدتها،
و جميلة لدرجة أنك تتمنى ألا تراها تبكى ثانية،
و جميلة لدرجة انك تتمنى أن تندمج مع دموعها،
أو تكون أحد دموعها.

أقول لك جميلة و ليست مثالية و ليست كاملة،
فهى تمارس كل أخطاؤنا بجمال يتزايد مع الوقت.
تغضب كثيرا حين أخبرها عن جمالها،
لا تصدقنى كثيرا،
و أجد لها العذر فجمالها لا يصدق.

فمن يصدق أن خالق هذا الكون القبيح قد خلق شمسا من الحسن و أنهارا من الخير تجرى الى منتهاها لتصب كل ما فيها فى حقول من المانجو و الفراولة البرية، هى من يسافر اليها البحر و كل بحارينه، هى من استمد من روحها روبن هود نبله، و من عرف من خلالها توم و جيرى المرح، و كان منها بطوط البحار الطيب الذى لم تغادر قدمه الأرض.   فى قلب كل بائعى الورد لها مكان، و لكل ورود العالم أحلاما بها، وكل من لمست قلبه ضحكتها يعرف أنه قد سمع لحن وجوده فى الدنيا، هى من تعرف منها الشمس الضياء، فهى كل ضياء و كل شمس فى كل مجرة، هى من يضل التائه اليها و من يهتدى بها كل مهتد، هى من خلقها الله ليخبرنا عن حقيقته، هى الأعلى فوق كل من ارتفع، يتضاءل أمامها الكون و يبهت النور و يضل الوقت.....هى التى منها عبرؤف يولد و منها يموت و منها يبعث حيا.

لا تصدقنى...
لا يمكن للعبد الفقير أن ينسى ذلك أمام سحر الأميرة.

فى يوم بطعم الخوخ أعطته عقد الفل...
لم ينم من حينها...هو يملك الآن أغلى كنوز الدنيا.
يلازمه شعور بالضعف عميق.

تصبح أقوى أجهزة الأمن ضعيف اذا كانت مهمتها حماية متحف اللوفر،
فما بالك بعبد فقير يملك أغلى كنوز الدنيا..عقد الفل.


 

Please god, take me back to the day before you created me.

لن أسمح اليوم باختزال المشاعر، سأفعل كل ما بوسعى .

عبرؤف يخاصم الأحلام، لا يعطيها انتباه و لا يتذكرها.

أنا شخص ذو ايمانات مشتتة، تصب كلها فى فكرة أن الحياة معقدة و ابهام الحقائق و أن النسبية هى روح العالم.

لا يوجد فى العالم مخطئين و لا من هم على حق. كلنا سلسلة من الأغبياء.

أنا مصاب باجهاد ذهنى عنيف اليوم، منذ فترة طويلة لم أتعامل مع البشر بشكل مباشر.
وجدت نفسى مضطرا لمواجهتهم و أنا أعرف أنى لا أمتلك عقل قادر على التعامل مع افكارهم.
أشعر بكل الحرية فى العالم عندما أتعامل مع روحى، تلك الروح المريضة التى لا أجيد الا التلاعب معها.

أنا لا أتعامل مع احد من البشر الا نفسى،
نفسى تحبها.

I don't hate people, I just feel better when they are not there.

لماذا لا يقتل الله كل من يعيشون فى عالمى و يخليكى انتى بس؟

أنا شخص متقدم انسانيا، فأنا أحب فتاة مرحة تحبها الأرض و ما عليها، تسطع من أجلها الشمس و يخجل من جمالها الكون السرمدى.

كيف لشخص مثلى أن يعيش مع البشر بعد ما كان عايش مع من يدور حولها مجرات الجمال الالهى.

لم أتخيل يوما أن يرانى أحدهم حاكم متسلط يبحث عن منصب ليمارس قهره على الجميع،

لم أجرب أن أشعر أنى ابن ناظرة المدرسة و ان كل الطلبة مظلومين فقط لانى موجود.

لا أريد شىء الا ضحكتها تعزف بشكل مستمر فى أذنى.

ستحاول كثيرا أن تلمع من روحك المريضة و ستفعل كل ما بوسعك لاسعاد عروسة البحر،

و لكن ستبقى أنت نفس الشخص الغبى الذى تكرهه.
ستفعل المزيد من الأخطاء بحسن نية عبيطة و ستبحث عنها لتشرح لها ذلك.

كنت فى اول الكلام أحاول التوقف عن اختزال المشاعر و تقديم وصف دقيق،
و لكن يبدو ان المشاعر لا تكفى لكتابة شىء جيد و لا لفعل أى شىء أصلا.

كل سنة و انتى أحسن من النهاردة.

God, I don’t wanna need you.

I don’t wanna need anything you created.

I don’t wanna need.

كان هو من سمع كل حكاياتها، كان هو من ترك كل حطبه و سافر الى بلاد ما بعد النهر ليخوض تحدى الأميرة. كان تحديا مكتوبا على سحاب بلاد لا تعرف المطر.

حارب من أجلها التنين ذو الثلاثة رؤوس و عبر كل محيطات الكون بحثا عن شعرة الطائر الأمهق.

حفر حفرة مقدارها ثلاثة أيام بحثا عن عظمة الكلب المتكلم. حارب دنجل الشرير و ساعد شرلوك هولمز. تغلب على هرقل و قتل الساحرة السوداء. كان يعبر كل البحور مرتديا جوارب مخططة.

زرع بسلة فى حديقتها، لم تكن هى تحب البسلة و لكنه لم يستطع الا زراعة البسلة، اعتقد انه ارتكب تلك الغلطة الشنعاء، حاول اصلاحها...زرع كل الحديقة بيتزا بالجبنة و بطيخ أحمر من غير بذر.

اقترب كثيرا من شرفة الأميرة...لم يبقى أمامه الا أن ينتزع السيف من الصخرة، هذا هو التحدى الأخير، هذه هى خطوته المنتظرة...استجمع كل قواه و بدأ فى جذب السيف من الصخرة.

بقى أيام و أسابيع لا يقبل أن يكون غير قادرا على جذب السيف النبيل من موضعه....مضى عليه الحول قبل أن يذرف أول دموعه، كانت الدمعة الاولى و بعدها لم يستطع تمالك نفسه، كان يصرخ دمعا...

حاول بعدها أن يستوعب الأمر كثيرا، هو ليس الشاطر حسن و لا عبد الله المختار...هو شخص عادى لا يستحقها....

You can sleep now, mate.

We got nothing else to do tonight.

ستكون خضراء....

حين اصنع الدنيا سأجعل سماؤها خضراء

فتتحول بحورها الى أخضر أيضا

سيكون الزرع لونه أزرق

أنا أؤمن باللون الأخضر ايمان تام

أعتقد انه ثانى أفضل شىء خلقه الله

حين يخلق عبرؤف الكون سيجعلك الهه اللون الأخضر.

لم يكن عبرؤف يوما مجنونا ولا خفيف العقل

لم يعتقد أبدا بالخرافات و لم يكن يبحث عن شىء خارج حياته

لم يكن يوما متطلبا و لا طماع

لم يحلم بكل تلك اللعب فى محل اللعب اللى جنب مستشفى تبارك

عبرؤف كان بيحب يلعب بايديه أصلا

عبرؤف لم يتخيل يوما أنه سيحب الهه اللون الأخضر

عبرؤف يشعر انه معها مخلوق الله المختار.

كيف تحول عبرؤف من صعلوك الى أكثر خلق الله نصيبا؟

عبرؤف يؤمن بالعدل و الخير و الجمال.

اذا كانت هى هنا فتلك الأشياء موجودة اذن.

من كام سطر عملتك الهه اللون الأخضر فى الدنيا اللى هأعملها

و أنا أصلا مش هأعمل دنيا و لا هأعرف أعمل حاجة

أنا أصلا ما بأعرفش أبعد عنك الحاجات اللى بتضايقك فى الدنيا دى

بس و اللهى أنا نفسى أجيبلك حاجات حقيقية و بجد

و أعمل الدنيا و أخليكى الهه اللون الأخضر

أصلا مش أنا قلت لك ان انتى كنتى موجودة الأول قبل ما ربنا يخلق جمال الدنيا

يعنى أنتى أصلا مميزة من غير ما أعمل حاجة

انتى مش محتاجانى أعمل الدنيا عشان أميزك بحاجة.

حين ماتت غزة،

لم يكن عبرؤف وسط المتظاهرين و لا أصحاب الأصوات العالية

كان عبرؤف يفعل ما سيشكره عليه العالم يوما ما

عبرؤف يبارك الأرض

عبرؤف يبحث عن قوة تغيير العالم

عبرؤف يحبها

هى ليست مريم.

هى لا تحتاج أسماء جديدة.

بل يحتاج الناس اسمها لفعل أشياء جديدة.

أقسم بالله الحق أنها حق.

ستعطينا الحياة يوما طبق بسبوسة بالقشطة.

I love a girl, she doesn’t love me.

I am doing all what I can but she will never love me.

You can’t make somebody love you. So she will never love me.

Love is love. You can’t create love. And she will never love me.

I should go to someone who loves me. As she will never love me.

But I love her and can’t go. She will never love me.

I need her. Well, she will never love me.

For how long would I stay like this?. She will never love me.

I wish I can stay forever. But she will never love me.

I love her. She loves me not.

I am sure of it. She is not.

Damn! I love her. She can’t

These are not words. She knows.

كنت فى تانية اعداى تقريبا، و كان عندنا ألعاب...آخر أيام السنة لما الناس كلها بتغيب.
كنت لابس بنطلون ترينج...و كنت فاكك الرباط كالعادة.

كنا خمسة أو ستة تقريبا فى الفصل...

كبرنا على لعبة شد الكرافتات أم استك ف كنا بنقلع لبعض البنطلونات.

من الطبيعى جدا أن تكون سائرا و تجد أحدهم يجذب بنطلونك للأسفل.

فعلها معى فى تلك اللحظة "حسام جمال"

لا أعتقد أن هناك شيئا مثل أن تجد الجميع ينظرون إلى عضوك،

لا يمكن أن أنسى كيف وضع مصطفى خليفة يده على فمه زى البنات...

لم يكن ببالى شيئا حينها الا أن حسام جمال هو شخص لا يمكن أن أتخانق معه أبدا، فهو يفوقنى وزنا بحوالى 30 كيلو و أن قبضة يدى مهما حاولت زيادة قوتها لن تمثل له الا زغزغة خفيفة و أن أصلا خناقة مع حسام جمال تعنى خناقة مع شلته كاملة...و هو شىء بدا لى حينها دربا من دروب الخيال.

أنا دلوقتى من غير بنطلون و بتاعى باين قدام الفصل و خايف أعمل أى حاجة...

كل اللى عملته انى مسكت نفسى و استحضرت وجه غاضب و قلت له بحدة "هتشوف...!!!"

ما كنتش عارف هأعمل و ما كنتش عارف هأخليه يشوف ايه...

عيل وزنه 40 كيلو، يداه ناعمتان ، تغلف سندويتشاته فى ورق سوليفان ممكن يعمل ايه؟

لم أشعر بالضعف فى حياتى مثلما شعرت به هذا اليوم.

ظللت أبكى أياما بسبب هذا الموقف، لم أنساه أبدا حتى الآن.

النهاردة لو شفت حسام جمال فى أى حتة هأفشخه بجد...و انت و أنا عارفين ان ده حقيقى.

لم أكره فى حياتى أحد مثلما كرهت حسام جمال.

I can understand how you can’t love somebody.
I know how that makes no difference.

I know (ana 3aref..lol) that you don’t want to harm me.

And I got no solution.

سأكون يومها فى جهنم أضاجع فتاة مشعرة،

بينما تتزحلقين أنتى على الجليد معه بحثا عن كانجرو أخضر اللون.

تصيبنى الفتيات ذوات الشعر على أجسادهن بقرف عميق،

قد يكون هذا أكثر ما يصيبنى بالغثيان على الاطلاق.

الستات أم شعر، مافيش غيرهم فى جهنم.

In the hell, everybody is hairy.

I hate hairy women.

I can see myself having a hairy penis between two hairy boobs.

هذا عادة ما يحدث عندما يحاول أحد أهل النار أن يحب سيدة أهل الجنة.

-         Hey Sue, I have to leave now and I won’t be here tomorrow…I think it’s time to say bye!

-         Oh…Why won’t you be here tomorrow?

-         As you know the first lady is going to be here and not everybody is allowed to come…but don’t worry I just trained somebody and he will be the blood man for tomorrow.

-         She smiled and said:

-         That’s not the point…I like you!!

عارفة يا مريم....أنا كنت تقريبا نسيت إن في حد ممكن يحبني.

شوفتى الولية قالتلى ايه...مش مهم عندها يبقى الشغل كويس أو الحياة تمام...المهم انى أبقى أنا موجود.
أنا....عبرؤف الصعلوك النكرة...اللى البنت اللى بيحبها مرة بهدلته عشان كان بيعيطلها فى التليفون عشان عايز يقابلها...دلوقتى بقيت مهم و الناس مش عايزانى أمشى.

فاكرة لما كنتى بتزعقيلى و بتطلبى منى انى لازم أركز فى حياتى و ان ماينفعش ان حياتى كلها تقف على واحدة بنت مهما كانت....فاكرة ازاى كنت بأحاول أقنعك ان حبى ليكى هو نجاح حقيقى بالنسبة ليا مقارنة بزيف النجاحات الأخرى فى الدنيا.حاولت أفهمك ان أنا اخترت النجاح المناسب ليا، اللى هو ببساطة انتى.

ليا واحد صاحبى كان دايما يقوللى "الأنثى أوعى تديها أقل من قدرها أو أكثر منه...لازم تعرف قدرها و تديهولها بالضبط"...كنت على طول بأقوله انت حمار و ان مريم دى تستحق حاجات أكتر من اللى موجودة فى الدنيا أساسا، دلوقتى أنا بقى عندى احساس جديد...احساس بنفسى شديد و نرجسية معتادة. الاحساس ببساطة هو لو ان عبرؤف ده حد ابن كلب زفت و ما يستحقش من الدنيا غير أقل القليل...فأقل القليل ده لسه عبرؤف ما أخدهوش و لازم و لابد يتعب عشان يأخده...حتى لو كان علبة زبادى أو عود برسيم...عبرؤف مش هيفرط فى حقه فى الدنيا بنت المره دى.

مش هأقولك انى كنت عبيط و دلوقتى بقيت فاهم و مطرقع...بس واحد كان بيقوللى انه لو احنا موجودين عشان نساعد الناس، أمال الناس موجودين عشان ايه؟...أنا بصراحة بدأت أصدق ان الحكاية مش فتح صدر و حركات قرعة...الدنيا لازم تكون عادلة...مش فكرة كويسة ان ناس تضحى بنفسها عشان ناس تانية، و ان كان فى ناس بتعمل كده فده عشان أسباب مش بريئة قوى يعنى...أنا مش عارف انتى حاسة قد ايه الكلام ده خطير بالنسبة لى ولا لأ...أنا دلوقتى بأشك فى الحقيقة اللى بنيت عليها حياتى كلها تقريبا...أنا بأتخلص من معتقدات قديمة بدأت أحس بسخافتها.

أنا دلوقتى بقيت منغمس فى حياة شهوانية تسمح لى بالكثير من الحرية فى الحركة التى كنت أفتقدها من قبل...أنا دلوقتى بدأت أحس قد ايه ان عبرؤف ده كان شخص سخيف و كان بيضيع وقتك فى كلام عبيط....وقتك اللى بتقدرى تعملى بيه حاجات كتير تبسطك و تبسط اللى حواليكى...صدقينى، أنا بأعتذر عن كده بشدة و أوعدك انى هأحاول أفهم أكتر كلامك عن ان اللى ما بيننا ده مش مهم...

انتى ناجحة قوى انك تخلقى لنفسك حياة غنية...بتعرفى تبنى حاجات جديدة بسرعة...حياتك مليانة بشكل ملحوظ....و طبيعى ان عبرؤف يبقى حاجة عبيطة و تتنسى...أو ممكن يفضل عبرؤف كذكرى لطيفة أو مؤلمة...بدأت أصدق ان عبرؤف أصلا اتولد فى حياة مريم عشان يبقى حتة رمز أو شعار سخيف كده تعلقه فى ذاكرتها زى ما بتعلق حاجات فى أوضتها...

لم يخلق البشر ليرضوا بتلك الحياة...لكل منا مشكلته مع الدنيا...و قدر مشكلتك يعتمد على قدر علمك...يعنى كل ما تعرف أكتر تقدر تكون مشكلة أكبر مع الكون...أنا مش بأقول ده عشان أنا شخص حكيم و بيفهم...بس الحكاية انى حاسس انى شايف زيف الدنيا المتجسد فى كلامنا الكتير عن حيرتنا و توهاننا فى هذا العالم...احنا ليه بنفكر و بنقرأ و بنتألم و بنحب و بنضحك و بنسكر و بنعيط  و بنتفلسف و نتكلم كتير نيك عن الحاجة اللى ناقصة و مش مخليانا نحس بالسعادة؟

و حياة ضحكتك الغالية...كان فى لحظة عبرؤف كان فيها بكل خلية و نواة و سائل هلامى بتاع مريم خالص، و أنا عارف ان عبرؤف ده مش حاجة عدلة قوى بس كان ممكن تنبسطي بيه يعنى...بس انتى لازم تفشخى دماغك الوسخة دى اللى بتفهمك ان سعادتك فى حاجات تانية غير اللى عندك. مش هأقولك انك هتندمى فى يوم على عبرؤف و الكلام الحمضان ده عشان أنا زى ما قلت لك عبرؤف وجد عشان يبقى حدوتة ظريفة فى حياة مريم، حاجة تقعد تعيط عليها أو تضحك أو تضعها فى سلسلة أفكارها العميقة عن مكنون العالم القرمزى أبو طيز حمرا.

أنا زى ما انت عارفة دلوقتى بقى عندى حياة على قدى كده مشغول بيها...هى طبعا مش زى حياة حضرتك و لا أقدر أقارنها بيها...بس أهوه أنا دلوقتى أقدر أشغل نفسى و أبسطها و ما أخليهاش تكتئب و تنتحر لفقدانها الشمس.

أنا أصلا مش عايز حاجة خرافية يعنى...كان يبقى لطيف انى أشوفك مبسوطة لما أقولك بأحبك، انما انتى مصممة تقنعينى و تقنعى نفسك انك ما عندكيش حاجة تديهالى غير خطب بيضان عن انى ما ينفعش أتوقع منك حاجة....و مش عارف أنا دلوقتى حاسس انك استخسرتى فيا حتى خطبك و بقيتى بتقوليلى "طيب و متشكرين"

أنا أهوه بعد ده كله بأقولك أنا عايز منك حاجة و الحاجة دى هتفرق معايا كتير قوى...عايز الصورة اللى أنا بأحبها ليكى مطبوعة و على ظهرها كلام كتير حلو.....و اعتذار (أوعى تقولى اعتذار عن ايه ان شاء الله.)

و عايزك تجيبى كارت شحن جديد أو تكلمينى على البيت و تقعدى تتكلمى معايا لحد ما بيضانى تفرقع منك...و كلامك كله يبقى حلو و ظريف مش الخرة اللى انتى بتقوليه.

و لحد ما تعملى كده أنا هأفضل زعلان منك فشخ و مش هأقدر أسامحك أبدا....اقعدى بقى افركى فى نفسك و خللى كبريائك و عزة نفسك تأكل فيكى و حسسى نفسك ان ده شىء مهين و انى هزقتك و انى مش عارف ايه...بس أنا مش هأقبل غير بكده....

و تكلمينى أول ما تخلصى قراية...اتطمنى عليا و اغسليلى رجليا بمياه و ملح

أنا خايف لأحسن يعملها فيا و يسيبنى عايش على طول.....